30 diciembre 2011

Java mocca

LA FIESTA´L FAUNU


Sopla Raúl, Gaspar toca la flauta,
al pie la peral, y Mune y Anette
col glayíu del grayu nel caballete
a orielles del Sem repiquen la pauta
del so madrigal. Canta Tomassino
pa un llau de Florencia, per Cuercianella,
l´himnu nacional de Polichinela
y fai Giovanni gárgares con vino.
María al vigulín con melanconía
saca ximiendo les trémules notes
que Sindre-yos raspia nes cuerdes rotes.
Anima los vientos la melodía
del iPhone de Vilde, y el faunu Infiestu
arrímase al baille col rau enhiestu.