IMPROVISACION PAL TRISQUEL
Practicando les artes del sonetu
tres el resquiciu estrechu de la puerta,
vi al treslluz de la so camisa abierta
los brotos rezumir nesti cuartetu.
Y al ofrecese´l cebu tres del setu
sintí espurrise tiesa, roxa, alerta,
yaciendo como estaba mediu muerta,
la punta rebosante del tercetu.
Enfila entós la pluma, que se arrima
y recibe a la musa desmidía,
aplíca-y a la estrofa la midía
y llubrica-y los pliegues cola rima;
Vi cuayar el sintíu na so horma
apusllando nel fondu cola forma.
