KORMÁKR ÖGMUNDARSON (930-?)
POESIES D´ AMOR A STEINGERD
I
Ciégame la pasión
de sópitu el sintíu,
roxina que dexasti
asoleyar l´empeine
l´otru día. Un peligru
esi piesín pa mi
agora equí p´arriba.
Otro non vi más nada
de la roxa galana.
II
Fueu fueren los dos güeyos
d´ella, que m´amburaron
contra la puerte´l llar.
Y súponos a pocu.
Pero nel quiciu viose-y
el so corviyonín
al ánxel. Ya pa siempre
viviré tresboláu
muertu de pruyidura.