El hidrante de Trekanten
Hay un hidrante en Trekanten
al pie del aparcamientu
que una a una y cientu a cientu
paña les gotes que salten
dende dirá veinti años.
Ello ye que ye un calderu
de plásticu negru enteru
que nunca enllenen los caños
que rezumen del teyáu
llueva o nieve ensin respiru,
comu pa pegase un tiru
el que trabaya al so llau.
Quién será el que lu vacía
y cuida que ningún guaje
o algún gamberru con traje
y dé una patada un día.
Entrugose un inxenieru
nel periódicu local
qué raro y descomunal
nun atopar el buxeru.
Replicó-y un empleáu
que prebaren tolos medios
ensin dar colos remedios
nin nesti nin notru llau,
hasta llegaren a echar
agua tiñío per un tubu
pa ver si pingaba en cubu,
pero debió d´ensugar...