FRENTE A LA CAMARA WEB
Llueve n´Infiestu, llunes de mercáu;
daquién pasa volau, a la carrera,
al pie'l coche Camblor, siempre aparcáu
nel garaxe la lluna, al pie la cera.
Nel Venecia la camarera espera
que-y entre daqué puntu destemplau
a pidi-y engolau la arrancadera
pa despachalu en secu y desplumau.
Y yo equí, como dios nel firmamentu
poblau pola so ausencia, casi ciegu
enfrente la pantalla, ensin sosiegu,
pendiente a ver si pasa de un momentu
a otru, noto'l tiempu fluir en calma
pela mano, moyándome la palma.
Y yo equí, como dios nel firmamentu
poblau pola so ausencia, casi ciegu
enfrente la pantalla, ensin sosiegu,
pendiente a ver si pasa de un momentu
a otru, noto'l tiempu fluir en calma
pela mano, moyándome la palma.
