CONTRA LA MUERTE
Toi absolutamente en contra, muerte,
de qu’esistas; tú yes lo que derriba
la nuesa vida en vilu a la deriva,
lo que alienda y apesta tres la puerte.
Anque toques, de nada val la suerte,
nin falta fai contigo echar arriba
na última partida, quien conviva
un segundu al to llau yá yaz inerte.
Fulminada, fendida, na ruína,
dexes toa esperanza en dique secu,
espántesnos en cada recovecu,
en cada corredor, en cada esquina.
Un día acudirás tu a la to cita
col to esterminador que resucita. 
