¡Ei forasteru, ónde vas tan corríu! ¿Onde tas?
¡Equí!
¡Vas tresmanate! ¡Ta cerrando la niebla y malapenes se ve’l picu'l cayáu!
¡Papa, equí hai grietes!
¡Equí hai regalles!
¡Y les pisaes tresmanárense del too!
(Glaya) ¡Torna home! ¡Rediós! ¿¡Perequí fende la xelera como corteya?! ¡Pisa pela ñeve!
(Al escuchu) Siento ruxir un remexón.
Ye un regatu que s’escarbó perbaxo. Y equí hai un pozu ensin fondu.
Esi trágate a ti y a nos.
Yo tiro palante, como dixi.
¡Naide nun ye quién a ello! Apalpa, equí ta’l suelu esgarañáu. ¡Torna ho! ¡Que va la vida nello!
¡Tengo que siguir! Llevo’l recáu d’un señor.
¿Cómo se llama?
¡Llámase Dios!
Brand, Ibsen
