Mena, menor non acompañáu; mea, menor acompañáu.
Follasti con otru y dexóte’l to home. El to home dexóte y follasti con otru. L’orden de palabres altera’l productu.
Suicidiu, viaxe a ninguna parte.
Castellanu, la comodidá; llingua asturiana, la molestia.
Vagu, que non fai nada concreto.
“Y tos palabres na despidía
son como música non oyía”.
Cobardes llistos abastecen d’armes y dineru a fatos valientes.
¿Sabes cocinar? -Non.
¿Pero comer?-Sí.
Derecha, mala; ultraderecha, ultramala.
Infiestu, Mesón Barro: «Ahora dan-yos a toos una paga, hasta a los gitanos».
Escribir nuna llingua na qu’escribimos cien persones y lleemos cincuenta, ye un honor.
Hai científicos que facen bombes atómiques y albañiles que facen campos d’esterminiu.
Atayar pelo malo meyor qu’arrodiar pelo bueno.
L’amor anda en círculu viciosu.
A los 15 años metíme a la política activa repartiendo “Mundo Obrero” illegal y asistiendo a reuniones clandestines con profesores del Institutu de L’Infiestu y sindicalistes de la UGT y Comisiones. A los 16 salíme.
Turistes, xente a la que naide nun invita a cagar.
Parexa ensin fiyos, tren vacíu.
-¿Qué alternativa política ties?
-L’insultu.
Noruegos, como’l so nome indica.
Non hubo ningún momentu na historia de la humanidá ensin qu’esistiera polo menos un conflictu armáu o guerra activa n’alguna parte’l mundu. Tampocu ensin relixones.
