CAMPU DE BATALLA
La sala sola, el ñeru vacíu,
los restos del tu olor ente les sábanes,
les tus pisaes pol pasillu,
los sitios sin la tu ropa interior,
el tu vasu d’agua nel bañal,
el tu cepillu dientes tovía moyáu,
la taza de los chorros en cadena,
la esquina’l mi sofá onde asitiabes como si fuera tuya de siempre,
la sensación de ser yo el tu invitáu,
les tus mieles reseques nes mis manos,
los tus pelos atropaos pela cama guardaos na caxa de plata,
los güecos de los llibros y del mi corazón que te di,
l’estuche col llíquidu les tus lentilles,
que yo voy usando.
Toos estos despoxos queden
tres la batalla que nos consume a los dos.
